Алдын-ала берилген маалыматтарга ылайык, Орусияда жергиликтүү мыйзам чыгаруу органдарына болгон шайлоодо президент Путин колдогон эки партия алдыга оозуп чыкты. Шайлоо өткөн он төрт чөлкөмдүн онунда “Бирдиктүү Орусия” жана “Акыйкат Орусия” партиялары элүү беш пайыз добушка ээ болду. Коммунисттик партия жыйырма беш пайыз добуш алса, ашынган улутчул ЛДПР партиясы он пайыз добуш топтой алды. Бир катар партиялар, анын ичинде оппозициядагы “Яблоко” партиясы кээ бир чөлкөмдөрдөн талапкерлерин коюу укугунан ажыратылган.
