АКШнын “Эндейвор” космос кемеси Эл аралык Космос станциясына болгон эки жумалык сапарынан соң бүгүн Флоридага ийгиликтүү конду. Бул окуя буга чейин болжолдогондон бир күн эрте болду. Себеби Америкалык космос агенттигинин адистери Кариб денизи жана Мексикада күч алган “Диин” капсалаңы кемеге зыян тийгизиши мүмкүн деп кооптонгон эле. Буга чейин космоско учканда “Эндейвор” кемесинде жарака пайда болгон. Бирок агенттиктин адистери кеменин жерге аман-эсен кайтууга мүмкүнчүлүктөрү жетишерлик деп эсептеп, сапарды токтоткон эмес.
