Мурда партиялык тизме боюнча 50 пайыз десе, бул жерде жүз пайыз деп жазылыптыр. Анан баш мыйзамдын жаңы редакциясында Президенттин ыйгарым укуктарына келгенде 46-беренеде “Конституцияда көрсөтүлгөн мамлекеттик органдардан сырткары, президент өзүнө гана баш ийген мамлекеттик орган түзө алат” деген пункт мени коркутат, деп билдирди “Азаттыкка” парламент депутаты Азимбек Бекназаров. Анын айтымында, Кыргызстанда укуктук жол менен эмес, саясий жол менен көп маселелер чечилип калууда. (AJ)
