Бүгүн Ош облустук соту адвокат Мейилкан Эмилбаеванын Алмазбек Текебаевдин баш коргоо чарасын өзгөртүү тууралуу арызын карап, Ош шаардык сотунун чечимин күчүндө калтырды. Шаардык сот 6-сентябрда Алмазбек Текебаевдин баш коргоо чарасын өзгөртпөй, тергөө абагында калтыруу чечимин чыгарган. Экс-спикер Өмүрбек Текебаевдин бир тууган иниси Алмазбек Текебаев “тентектик кылган” делип 4-сентябрда Ош шаардык ички иштер бөлүмүндөгү убактылуу кармоочу жайга кармалган. Кийинчерек ага Кылмыш жана Жаза кодексинин 341-беренеси боюнча кылмыш иши козголгон. (AJ)
