РАНГОН. Мьянмада полиция демонстранттарды бүгүн да кубалап таркатты. Янгондун борборуна чогулган 2 миңдей кишини полиция чокморлор менен сабап, бир бөлүгүн кармап белгисиз жакка алып кетип жатты. Эки күндүн ичинде бери дегенде 13 киши курман болгондугу маалымдалат. Коопсуздук күчтөрү шаардагы монастырларды басып алып, ал жерге киши жолтопой жатат. Бийликтер интернетти жаап, маалыматтын тароосуна бөгөт койду. Демонстрациянын күч менен таркатылганын катуу айыптаган Улуттар уюму Мьянманын бийик мартабалуу кызматкерлеринин эсептери менен мүлкүн токтотуп койду.
