"Акыйкат үчүн" коомдук кыймылы уюштура турган элдик курултайга коомдук парламенттин облустагы беш мүчөсүнөн башка да бир топ адамдар барат. Бирок алардын так саны жана Бишкекке качан жөнөөрү алардын коопсуздугун сактоо максатында ачык айтылбай тургандыгын "Ата Мекен" партиясынын облустагы жооптуу катчысы Асылбек Текебаев билдирди. “Ак жол" партиясы да 12-апрелде Бишкекте курултай өткөрүүнү чечкен. Ага облустан 20 делегат катышаарын партиянын областтык уюмунун төрагасы Абдымалик Бектемиров билдирди. “Эркиндик" партиясынын 5-мартта өтө турган республикалык курултайына облустан 22 делегат шайланган. (YA)
