Барскоон айылына “Кумтөр” кени акысыз ачып берген “Дарт дабаа” излдөөчү борбордун башкы врачы Бактыгүл Иманкожоевага акча жеген деген айып менен өткөн жылы кылмыш иши козголгон. Бактыгүл “Карек” бей өкмөт уюмунун төрайымы, укук коргоочу Эркингүл Иманкожоеванын бир тууган эжеси болгондуктан, бир жылдык тергөө убагында кызматынан четтетилип, көп кысымга дуушар болгондугун маалымдады. Айыпталуучу 20-июндагы боло турган сотуна коомчулук катышып отурушун талап кылып атат. Биз бул боюнча Жетиөгүз райондук сотуна кайрылганыбызда, Бактыгүл Иманкожоеванын ишин өз өндүрүшүнө алган сот Талантбек Намазбеков сурак ачык-айкын өтө тургандыгын “Азаттыкка” билдирди. (RB)
18:10 Барскоон диагностикалык борборунун башкы врачы соттук сурак ачык өтүшүн талап кылды
