Бүгүн өлкө башчысы Курманбек Бакиев Айыл, суу чарбачылыгы жана кайра иштетүү өнөр жай министри Арстанбек Ногоевди кабыл алды. Президент быйыл алынчу түшүм туурасында министрдин баяндамасын уккан соң, дыйкандарды күйүүчү май, сапатту үрөн жана айыл-чарба техникасы менен камсыздандыруу көрсөтмөсүн берди. “Алынган түшүм жалаң гана республиканын керектөөсүнө жумшалсын” , - деди президент. Быйыл буудай 655 миң гектар жерге эгилген. Бүгүнкү күнгө 80 миң гектар жерден буудай түшүмү алынды. Министрдин айтымында буудайдан алынган түшүм быйыл былтыркыга салыштырмалуу 1,5 -2% ке көп болушу мүмкүн. (EK)
