Муамар Кадафи Беларуска кечээ Орусиядан келди. Бул Ливия лидеринин аталган өлкөлөргө СССР ыдырагандан берки алгачкы визити. Минскидеги бүгүнкү сүйлөшүүлөрдүн соңунан эки тараптуу бир катар келишимдерге кол коюлары күтүлүүдө. Кабарларга караганда, Кадафи буга чейин Москвада Орусиянын Ливияга өзөктүк реакторлорду куруп берүүсү жана отун менен камсыздоо боюнча келишимди талкуулаган. Беларустан соң Ливия лидери Украинага барат.
