УТРК жетекчисин кызматтан алууну талап кылып, нааразылык акциясында отургандардын маалыматы боюнча кол жыйноо бүгүнтөн тарта Бишкек шаарында башталат. Ошондой эле бул аракет өлкөнүн башка аймактарында да жүргүзүлмөкчү. Кечээ нааразылык иш-чарасынын катышуучулары жетекчисине кайрылуу жасап, өз эрки менен кызматтан кетүүсүн өтүнүшкөн. Кайрылуу ээлери анда Мелис Эшимкановдун башкаруу саясатынызга каршы мүмкүн болгон чараларга барышарын билдиришкен. Акцияны уюштуруучулардын бири УТРКнын таңкы берүүлөрүнүн продюсери Алтынбек Жумаевдин “Азаттыкка” билдиргени боюнча нааразылык көрсөтүп жаткан журналисттердин программалары эфирге кое берилбей жатат.(ZKo)
