Орусиянын президенти Дмитрий Медведев жана Беларус лидери Александр Лукашенка газ боюнча макулдашууга жетишти. Бирок Беларус 2009-жылы Орусиядан газды кайсы баага сатып алары тууралуу маалымат ачыкталган жок. Москвада иш сапары менен жүргөн Лукашенка экономикалык кризисте Орусиянын жардамына ишенерин айтты. "Коммерсант" гезити орус газын арзан алуу үчүн Лукашенка Түштүк Осетия менен Абхазиянын көз карандысыздыгын таанышы мүмкүн деп жазып чыкты.
