Бул тууралуу “Ак-Шумкар” партиясынын лидери Темир Сариев бүгүнкү маалымат жыйында билдирди. Анын айтымында президенттен сырткары оппозициянын акциясына катышуу үчүн чакыруулар аким, губернаторлорго да таратылган. “Президент элге болгон кайрылуусунда оппозиция менен сүйлөшүүгө даяр экенин билдирди. Эгер ошол акция күнү президент да, аким, губернаторлор да төрт жыл ичинде эмне иш кылганын жана келечекте элди эмне күтүп турганын айтып, кыскача баян менен чыкса, бийлик тараптан да, президент тараптан да чыныгы диалог болмок”, - дейт Т.Сариев. (КЕ)
