Маракеште 14 кишининин өмүрүн алып, 20сын жарадар кылган чабуулду Марокконун бийликтери террорчулар уюштургандыгын айтууда. Өкмөттүн маалымат катчысы жардыруунун артында ким турганын так кесе айтуу эрте болгон менен, аны террордук чабуул деп мүнөздөдү. Марокконун Ички иштер министрлиги саякатчылар көп келген аймактагы жардыруудан чет элдиктер да каза тапкандыгын бышыктады.
