Ирандын чалгындоо министри Голам Хосейн Мохсени Эжейи Улуу Британиянын Тегерандагы элчилигинин бир катар кызматкерлери камакка алынганын 28-июнда тастыктады. Иран өкмөттүк үналгысынын маалымдашынча, алар Ирандагы 12-июндагы президенттик шайлоодон кийинки толкундоолорду козуткан деп айыпталууда. Британия тышкы иштер катчысы Дэвид Милибэнд өз кызматкерлерин дароо бошотууну Иран бийлигинен талап кылды. Батыш өлкөлөрү расмий Тегерандын өлкөдөгү соңку демонстрацияларды Батыш, анын ичинде АКШ менен Британия, атайылап козутту деген доосун четке кагышты.
