"Атом энергиясы - баарына, ядролук курал – эч кимге!" деген ураан астында өтүп жаткан форумда Иран президенти Махмуд Ахмединежад ядролук куралсыздануу ишине көзөмөл жүргүзө турган эл аралык көз карандысыз орган түзүүгө чакырды. Жыйынга 56 өлкөнүн ырасмий жана бейырасмий делегациялары катышууда. Форум эки күнгө созулат жана биргелешкен билдирүү кабыл алынат.
