Жаңы мыйзамдын долбооруна ылайык, 2012-жылдан тартып тамеки дүйнөдө биринчи болуп, фирмалык тамгасы, соода маркасы жок, стандартташтырылган кутуларда сатылат, бетинде тамеки тартуунун зыяндуулугу жөнүндө эскертүү бадырайта жазылып, же тийиштүү сүрөт тартылат. Өкмөт ошондой эле бүгүн түн ортосунан тартып, тамекиге салыкты 25 пайызга көтөрдү. Австралияда жылыга 15 миң киши тамеки тартууга байланышкан оорулардан каза табат, ал эми ден-соолукка келтирилген зыяндан жана өндүрүмдүүлүктүн төмөндөшүнөн өлкө 30 миллиард доллардан ашык зыян тартат.
