АКШ президенти Барак Обама Конгресс энергиянын таза булактарына өтүү маселесин козгоого тийиш деп билдирди. Шейшемби күнкү кайрылуусун Обама Мексика булуңундагы өндүрүштүк кырсыкка арнады. Президент British Petroleum компаниясына сууга төгүлгөн мунайды чогултуу үчүн кошумча жабдык жана технологияларды тартуу көрсөтмөсү берилгенин айтты. Обама жабыркаган жумушчулар жана бизнес ээлеринин чыгымдарын төлөп берүү үчүн компания атайын фонд түзүүгө тийиш деди. Америкалык адистер күнүнө океанга 35-60 миң баррел кара май агып жатканын болжошууда.
