Чукул кырдаалдар министрлигинин басма сөз кызматынын өкүлү Абдушарип Бекиловдун “Азаттыкка” билдишинче, 24-январда болгон жер титирөөдөн кийин Чоң-Алай районунда 21 үй кулайын деген абалда болсо, 107 имарат капиталдык ремонтко муктаж экендиги аныкталды. Алай району боюнча 21 имарат авариялык абалда, 67 имарат оңдоого муктаж. Учурда текшерүү дале уланып жатат. 24-январда Тажикстанда күчү 8 баллга жеткен жер титирөө болгон. Зилзаланын күчү Баткен шаарында 3 баллга, Ош шаарында 3-4 балл, Карамык жана Сопу-Коргон айылдарында 4-5 балл, Алай өрөөнүндө 4-5 баллга жеткен. 28-январда да Алай районун Нура айылынында күчү 4-5 баллга жеткен жер титирөө катталганы кабарланган. (KKs)
