Йемендин президенти Али Абдулла Сали 1-мартта өз өлкөсүндөгү жана араб мамлекеттериндеги көчө жүрүштөрүн каржылады деп Израилди күнөөлөдү. Сали ошондой эле АКШ президенти Барак Обаманы нааразылыкка чыккан элди колдоду деп сындады. Бир нече күндөн бери Йеменде 32 жыл тактыда отурган Салинин бийликтен кетүүсүн талап кылган акциялар өтүүдө. 1-мартта БУУнун Адам укуктары боюнча Жогорку комиссары Нави Пилай айым Салинин өкмөтүн саясый өзгөрүүлөрдү талап кылган элге каршы күч колдонуудан этият болууга чакырды.
