Алар бул үчүн “Ал-Каиданын” лидери Усама бин Ладен жок кылынгандагы операцияны тыкыр иликтөөгө чакырышты. Парламент өзүнүн резолюциясында “Эгерде андай чабуулдар токтобосо, Ооганстанга биздин аймак аркылуу ташылып жаткан НАТОнун жүктөрүн өткөрбөй коебуз” деп айтылат. Кабарларга караганда, былтыр америкалык аскерлердин Пакистандагы абадан жасалган аскерий операияларынын саны эки эсеге өскөн. Аларда 670 адам өлтүрүлгөн.
