Израилдин премьер-министри Бенямин Нетаняху Жакынкы Чыгыштагы тынчтык жараяны боюнча президент Барак Обама программалык сөзүндө жасаган сунушту четке какты. 1967-жылдын чек арасына кайтуу, Нетаняхунун айтымында, жөөт мамлекети үчүн катастрофа болот. Обама 19-майдагы сөзүндө, Израил 1967-жылкы Алты күндүк согушта басып алган жерлерди сүйлөшүүлөрдө такталчу айрым өзгөрүүлөр менен болочокку Палестин мамлекети ээлеши мүмкүн деген эле. Бүгүн Нетаняху Вашингтонго ырасмий сапарга келүүгө тийиш.
