“Прогресс” кору Кыргызстанда үй-бүлө күнүн белгилөөнү сунуштоодо

Кыргызстанда “Үй-бүлө, сүйүү жана ишеним” күнүн белгилөө тууралуу билдирүүсүн “Прогресс” кору бүгүн таркатты. Бул кор өлкөдө соңку учурда үй-бүлө институтуна анчейин көңүл бурулбай жатканын, жубайлар арасында бири-бирине ишеним азайганын белгилеп, бул маселеге көңүл буруу үчүн жылына бир жолу атайын күн белгилөө керектигин жарыялады.

“Прогресс” кору мындай күн Орусияда белгиленерин жүйөө кармап, Кыргызстанда үлгүлүү үй-бүлөлөргө атайын сыйлыктарды тапшыруу демилгесин да көтөрүшүүдө. (KKs)