Франциянын президенти Николя Саркози Казакстандын мамлекет башчысы Нурсултан Назарбаевди коноктоп, аны менен Европа Биримдиги менен алакаларды бекемдөөнү талкуулады. Бир сааттык жолугушуудан кийин жарыяланган билдирүүдө эки жетекчи орток мамилелерди күч алдыруу боюнча сүйлөшүү «мүмкүн болушунча тез арада» жыйынтыкталат деп үмүттөнүшөөрү айтылат. Казакстан былтыр Европадагы коопсуздук жана кызматташттык уюмунун президенти болгондо Саркози бул уюмдун Астанадагы саммитине барбай койгон эле. Ошондон бери ортодогу мамилелер сууп кеткен.
