Кыргызстанда билим берүү боюнча жаңы долбоорлор пайда болот. Бул тууралуу президент Роза Отунбаева менен америкалык инвестор, ачык коом теориясынын жактоочусу Жорж Сорос Нью-Йоркто сүйлөшүү жүргүзүштү. Президенттин басма сөз кызматынан маалымдашкандай, Сорос Отунбаеванын бийликти демократиялык жол менен тынч өткөрүп берүү салтын баштап жатканын кубаттады. Кыргыз президенти Нью-Йоркко БУУнун Баш ассамблеясынын сессиясына катышуу үчүн жөнөп кеткен. (RK)
