Кыргызстандын Орусиядагы элчилигинде кыргыз мигранттары менен жолугушуу өттү деп маалымдайт тышкы иштер министрлигинин басма сөз кызматы. Жолугушууда Орусияда жашаган кыргыздардын укуктарын коргоо, аялдарга медициналык жардам көрсөтүү, кыргыз келиндер төрөп, таштап кетип жаткан ымыркайлар көйгөйү саяктуу маселелер талкууланды. Расмий маалыматтар боюнча, Орусияда 500 миңден ашуун кыргыз жашайт. Бирок чынында алардын саны бир миллиондун тегерегинде экени айтылып келет. Соңку жылдары Москванын жана башка орусиялык шаарлардын балдар үйлөрүндө кыргыз улутундагы таштанды балдардын саны өсүп жатканын эмгек мигранттары өзүлөрү айтышууда. (RK)
