Кыргызстандагы сегиз уюм менен партиялар “Кыргызстандын элдик лигасы” аттуу жаңы уюмга биригишти. Ага кирген коомдук ишмер Мукар Чолпонбаев бул жаңы бирикме мекенчил уюмдардын башын кошконун, анын мүчөлөрү Кыргызстандагы коррупциянын тамырын кыркып, бийликтин кемчиликтерин ашкерелей турганын билдирди. Лиганын өкүлдөрү бүгүн Ошто өткөн митингге калыс мамиледе экенин, ошол эле учурда мындай митингдер улут аралык мамилени курчутуп жибербеши зарылдыгын белгилешти. (KKs)
