Минск шаардык бийлиги 26-апрелге белгиленген оппозициянын Чернобыль кырсыгынын 26 жылдыгына арнап өткөрчү митинг-жүрүштөрүнө уруксат берди. Быйылкы митингде оппозиция бийликтин Орусиядан он миллиард доллар алып атомдук электр станциясын курууга болгон аракетине каршылык билдиришмекчи. Өткөн жылдары Чернобыль кырсыгын эскерген оппозициянын митингдеринде активисттер менен полиция кагылышып миңдеген адамдар сабалып, тынч митингге чыкканы үчүн соттолуп кетишкен болчу.
