Кыргызстан менен Өзбекстан ортосунда жашылча-жемиштерди сатып алуу 60-70% чейин кыскарды. Бул тууралуу Агробизнестин атаандаштыкка жөндөмдүүлүк борборунун Оштогу өкүлчүлүгүнүн менежери Тынысбек Турдубеков “Азаттыкка” билдирди. Анын айтымында, калган товарлар жалаң аткезчилик жол менен өтүп жатат. Мунун айынан Ош, Жалал-Абад жана Баткен аймактарында жашылча-жемиштер жылдагыдан 30% кымбат сатылууда.
2010-жылдагы Кыргызстандагы окуялардан кийин Өзбекстан "Достук" жана башка 7 чек ара бекетти жаап салган болчу. Азыр Кыргызстан-Өзбекстан чек ара тилкесинен «Достук» өткөрмө бекети гана толук кандуу иштеп жатат. (КЕ/ErN)
2010-жылдагы Кыргызстандагы окуялардан кийин Өзбекстан "Достук" жана башка 7 чек ара бекетти жаап салган болчу. Азыр Кыргызстан-Өзбекстан чек ара тилкесинен «Достук» өткөрмө бекети гана толук кандуу иштеп жатат. (КЕ/ErN)
