Өткөн түнү Чүйдө Бишкек - Ош унаа жолунда кырсыкта тогуз адам мерт болгонун "Азаттыкка" Өзгөчө кырдаалдар министрлигинин маалымат катчысы Абдишарип Бекилов кабарлады. Анын айтымында, кырсык Бишкек - Ош унаа жолунун 197-чакырымында катталды. МАЗ жана Тойота-Превия унаалары сүзүшүп, 1 адам жабыркап, 9 адамдын жаны кыйылды. Жабыркаган киши 1959-жылы туулган, МАЗдын айдоочусу Т. Жангазиев медициналык жардамдан баш тарткан. Каза болгондордун экөө ким экени аныктала элек. (RK)
