Саламаттыкты сактоо министрлигинин маалымат кызматынын билдиришинче, Жалал-Абадда чечекке каршы эмдөөдөн кийин кырылган кой этинен жасалган тамак-ашты 5 миңдей адам жеген. Учурда дарыгерлер бул адамдарды каттап, көзөмөлдөп жатат. Оорулуулар көбөйүшү ыктымалдыгынан улам райондук, айылдык жана облустук оруканаларга кошумча керебеттер коюлду, дары-дармек камдалды. Бирок ушу тушка чейин ооруган адам каттала элек.
Министрлик чечек илдети адам ден-соолугу үчүн өтө деле опурталдуу эместигин, бирок койлорду эмдөө үчүн колдонулган вакцинанынын курамы белгисиз болгондуктан адам саламаттыгына кандай таасир этерин азырынча айта алышпай турганын маалымдады.
Бишкектен Жалал-Абадга дарыгерлер тобу жөнөтүлгөнү жатат. Буга чейин окуя катталган аймакка саламаттыкты сактоо министринин орун басары барып келди. (EBM)
Министрлик чечек илдети адам ден-соолугу үчүн өтө деле опурталдуу эместигин, бирок койлорду эмдөө үчүн колдонулган вакцинанынын курамы белгисиз болгондуктан адам саламаттыгына кандай таасир этерин азырынча айта алышпай турганын маалымдады.
Бишкектен Жалал-Абадга дарыгерлер тобу жөнөтүлгөнү жатат. Буга чейин окуя катталган аймакка саламаттыкты сактоо министринин орун басары барып келди. (EBM)
