Өкмөттүн маалымат кызматы билдиргенге караганда премьер-министр Жантөрө Сатыбалдиев 25-ноябрда өтүп жаткан жергиликтүү кеңештерге шайлоодо добуш берүү укугуна ээ эмес. Мунун себебин маалымат кызматы өкмөт башчынын каттоосу Ош шаарында экендиги менен түшүндүрдү. Ош шаардык кеңешке шайлоо март айында өткөн. Бул жолку шайлоо 25 шаарда 416 айыл округунда өтүп жатат. Алардын ичине Бишкек шаары да кирет. (BuS)
