Караколдогу тергөө абагында ачкачылык уланууда

Каракол шаарындагы №23-тергөө абагында ачкачылык кармап жаткан 64 адам түшкү тамактан баш тартты. Жаза аткаруу кызматынын басма сөз кызматкери Элеонора Сабатарованын “Азаттыкка” кабарлашынча, ачкачылык жарыялагандар тергөө абагындагы айрым камераларды ачууну, тамак-ашты, ички шарттарды жакшыртууну талап кылышууда.

Учурда Жаза аткаруу кызматынын өкүлдөрү Караколго барып, ачкачылык кармагандарга түшүндүрүү иштерин жүргүзүп жатышат. (BkA\MK)