АКШ президенти Барак Обаманын келерки аптага белгиленген Азияга сапары бюджет бекилбегендиктен улам токтотулду. Ак үй президент Обама Индонезиядагы Бали аралына жана Брунейдеги Чыгыш Азия саммитине барбай турганын маалымдады. Анын ордуна мамлекеттик катчы Жон Керри барат. Президент Обама Вашингтондо калып, республикачыларга басым көрсөтүп, бюджетти тез арада кабыл алууга орток пикир табуунун амалдарын издейт.
