Кечээ салтанаттуу ачылган 2014-жылдын Кышкы оюндары бүгүн чындап кызып жатат. Эркектердин 5 миң метрлик тез ылдамдыкта коньки тебүүсүндө Иван Скобрев, Денис Уюсков, Александр Румянцевдер ат салышууда. Бейшембиде командалык коньки тебүү мелдешинде 19 упай алган Орусия биринчи орунга чыккан. Бүгүн ошондой эле аялдардын эркин коньки тебүүсүндө башкы беш өлкө аныкталат. Кечинде эркектер лыжа менен секиришет. Фристайл лыжа тебүүдө кыздардын кыйындары мелдешет. Казакстандан Юлия Галышева бейшембидеги биринчи айлампада алтынчы болгон.
