Обама менен Олланд климаттын өзгөрүүсүнө каршы үндөшөт

АКШ президенти Барак Обама жана Франция президенти Франсуа Олланд башка өлкөлөрдү климаттын өзгөрүүсүнө каршы чогуу аракеттенүүгө чакырды. "The Washington Post" жана "Le Monde" гезиттерине 10-февралда басылган кайрылууда эки президент “өндүрүштүк газдардын бөлүнүүсүн азайтуу” үчүн 2015-жылы Парижде болчу жыйында глобалдык келишим түзүүгө үндөшөт. Макалада Обама жана Олланд эки өлкө глобалдык маселелерде, анын ичинде Сирия кризисин жана Ирандык ядролук программасына байланыштуу чатакты жөндөөдө үзүрлүү кызматташканын да белгилешет.