Линктер

ЧУКУЛ КАБАР!
28-Октябрь, 2021 бейшемби, Бишкек убактысы 02:26

Кокондо хижаб оронгон жана топу кийгендер базарга киргизилбей жатат


Диний кийимдерге тыюу салган жарыя. Кокон шаарындагы "Дыйкан базары", 2015-жыл, май.

Өзбекстандын Фергана облусуна караштуу Кокон шаарындагы базарларга хижаб сымал жоолук салынган аялдар жана диний ак топу кийген эркектер киргизилбей жатат. Базар ээлери “Азаттыктын” өзбек кызматына берген маалыматка ылайык, бул талап сатып алуучуларга да, соодагерлерге да тиешелүү. Ал эмес, чет элдиктер да диний кийимде базарга кире албайт.

Соңку бир жума ичинде шаардагы тогуз базардын кире беришине хижаб жана ак топуга тыюу салган чоң жарыялар илинди. Бул бийликтин буйругу экени, аны аткарбагандарга административдик жаза колдонулары эскертилген. Маалыматка ылайык, алгачкы эскертүүлөрдүн бири кыргызстандык жаранга берилди. Оштон Кокондогу тууганын көргөнү барган айымды хижаб кийип алганы үчүн күзөт кызматкерлери базардан чыгарып салышкан.

Өзбекстанда буга чейин диний кийимдерди кийүүгө тыюу салынып, шаарларда күч кызматкерлери тарабынан жоолук чечтирүү өнөктүгү жүргөн. Кокон базарларындагы тыюу салуу акырындап башка шаарларда да жайылышы мүмкүн экени айтылууда. (SE)

Пикирлерди көрүңүз (9)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG