Бул тууралуу «Азаттыкка» музей комплекстин илимий иштер боюнча жетекчи орун басары Хайрулло Ибайдуллаев билдирди. Анын айтуусунда, акыркы жылдарда аңчылардын айынан Сулайман-Тоону байырлаган коен, түлкү жана кекиликтер кырылып кеткен.
Учурда музей жетекчилиги Сулайман-Тоонун мурда бүтпөй калган бөлүгүн тосууга керектүү каражаттын бөлүнүшүн күтүшүүдө. Премьер-министр өткөн айда Сулайман-Тоого зыярат жасап, музейдеги шарттардын жакшырышына 30 млн. сом бөлүү убадасын берген.
Ош шаарынын борборунан орун алган Сулайман-Тоонун жалпы аянты 135 гектарды түзөт. (YI)
