“Кыргызстан - тоо лыжасынын жана кышкы эс алуунун өлкөсү” деп аталган фестиваль 20-февралда Бишкектин четиндеги ЗИЛ эс алуу борборунда өтөт. Бул күндөрү Туризм департаменти ага катышууга чет мамлекеттердеги спорт сүйүүчүлөрүн чакырууда. Катышуучулардын саны чектелбестигин “Тоо туризми” бирикмесинин башчысы Марат Данилов “Азаттыкка” билдирди:
-Фестивалдын максаты – кыргызстандыктарды кышкысын да активдүү эс алууга чакырып, ден-соолукту чыңдоо болуп саналат. Ал жерде ар кандай уюмдар каражат топтоп, аны оорукчан балдарды дарылоого тапшырышат.
Фестиваль Жапониянын JIKA уюмунун демилгеси менен 2010-жылы алгач ирет уюштурулган. Андан бери жыл сайын өтөт. (SE)
