Ысык-Көлдө 3-сентябрда башталган II Дүйнөлүк көчмөндөр оюндары бүгүн жыйынтыкталат. Жабылуу аземи кечки саат сегиз жарымда башталарын Көчмөндөр оюндарынын катчылыгы кабарлады.
Быйылкы таймаштарга 62 мамлекеттен миңден ашуун өкүл келди. Алар спорттун 23 түрүнөн беттешип жатышат.
Акыркы маалыматтарга ылайык, медалдардын саны боюнча Кыргызстан биринчи орунда келатат, экинчи жана үчүнчү катарда Орусия менен Казакстан.
