Белгилүү коомдук жана саясий ишмер Турдакун Усубалиевдин "Ала-Арча" көрүстөнүндөгү бейитине 22-сентябрда эстелик тургузулду. Анын ачылышына маркумдун жакындары, санаалаштары, спикер Чыныбай Турсунбеков, премьер-министр Сооронбай Жээнбеков, президенттик аппараттын жетекчиси Фарид Ниязов баштаган бийлик өкүлдөрү катышты.
Усубалиев 70 жыл бою мамлекеттик жана партиялык чоң кызматтарды аркалаган. Совет доорунда чейрек кылым Кыргызстан Коммунисттик партиясынын биринчи катчысы болуп иштеп, республиканы башкарып турган. Ал былтыр 95 жаш курагында дүйнө салган. (NT)
