Линктер

ЧУКУЛ КАБАР!
19-Октябрь, 2021 шейшемби, Бишкек убактысы 07:33

Кыргызстан Батыровду ЕККУ тизмесинен алып салууну талап кылды


Бириккен Улуттар уюмунун Башкы ассамблеясынын Нью-Йорктогу саммитине катышып жаткан кыргыз делегациясы Кадыржан Батыровду Европа коопсуздук жана кызматташтык уюмунун (ЕККУ) жыйынына чакырылбай турган кишилердин тизмесине кошууну суранды. Бул тууралуу Тышкы иштер министрлиги кабарлады.

Кыргыз тарап Батыровго эл аралык жыйында сүйлөөгө аянтча түзүлгөнүнө нааразылык билдирип, уюмдун Адам укуктары жана демократия институту бюросуна нота жиберди.

22-сентябрда тышкы иштер министри Эрлан Абдылдаев ЕККУнун баш катчысы Ламберто Занньер менен да жолугушуп, ушул маселени көтөрдү.

Июнь коогасын уюштурган деген айып менен сыртынан өмүр бою эркинен ажыратылып, алты жылдан бери издөөдө жүргөн Кадыржан Батыров шаршембиде ЕККУнун Варшавадагы жыйынында сөз сүйлөп, Кыргызстандагы Баш мыйзамдын өзгөрүшүнө каршылыгын, улуттук азчылык өкүлдөрү кысымга алынып жатканын билдирген. 2010-жылдагы июнь коогасын геноцид деп атаган жана кыргыз бийлигин сындап, ЕККУну өлкөгө жардам бербөөгө чакырган.

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG