Бишкектин Ленин райондук сотунда бүгүн Жогорку Кеңештин депутаты Аида Салянованын соту болот. Адвокат Улан Жумаковдун "Азаттык" радиосуна билдиришинче, жараян кылмыш иштин материалдарын изилдөө этабына келди.
Саляновага 2010-жылы юстиция министринин милдетин аткарып турганда "мурдагы президенттин уулу Максим Бакиевдин өнөктөшү Алексей Елисеевдин адвокаттык лицензиясын мыйзамсыз узарткан жана бул ишти жетиштүү иликтеген эмес" деген айып тагылган.
Салянова өзүнө тагылган айыптарды четке кагып келет. (KЕ)
