Москва районунун Ак-Суу айылында “Кыргызцентрпродукт” ЖЧКсына таандык логистикалык борбор ачылды. Долбоорду каржылоого Орус-кыргыз өнүктүрүү фонду 1,5 млн доллар насыя бөлдү.
Логистикалык борбордо картошка, сабиз, пияз, капуста өңдүү жашылча- жемиш тазаланып, атайын кутучада сакталат. Даяр продукция Орусия менен Казакстанга экспорттолмокчу.
“Кыргызцентрпродукт” борбору бир учурда 4200 тонна айыл чарба продукциясын сактай алат. Ишкана жашылча-жемишти Ысык-Көл, Нарын, Чүй облусунун дыйкандарынан сатып алмакчы.
Орус-кыргыз өнүктүрүү фонду жалпысынан 778 долбоорду каржылоого көмөктөшүп, бөлгөн насыянын көлөмү 249 млн АКШ долларга жетти. (SDz)
