Ош шаарында бүгүн Памир көчөсүндө жайгашкан №65 турак үйдүн дубалы урап, үч адамды басып калды.
Жерине саат 12де Өзгөчө кырдаалдар министрлигинин Ош шаардык башкармалыгынын башчысы Нурлан Баймуратовдун жетекчилигинде куткаруучулар барышкан.
Алдын ала маалымат боюнча кырсыктын кесепетинен эки адам каза болуп, бир адам жеңил жаракат алды. Кырсыктын себеби жана каза болгондор менен жабыркагандын аты-жөнү такталууда.
