Линктер

ЧУКУЛ КАБАР!
22-Октябрь, 2021 жума, Бишкек убактысы 09:03

«Айкөл Ала-Тоонун» жетекчиси Финполицияга сурак берип чыкты


Амантур Жамгырчиевге Финполициядан келген чакыруу.

«Айкөл Ала-Тоо» коомдук бирикмесинин жетекчиси Амантур Жамгырчиев Экономикалык кылмыштарга каршы күрөш боюнча мамлекеттик кызматка (Финполиция) сурак берип чыкты. Бул тууралуу маалымат мекемеден алынды.

Жамгырчиевге кошулуп мурда суракка чакырылган Кыргызстан социал-демократиялык партиясынын (КСДП) мүчөсү, парламенттин мурдагы депутаты Мээрбек Мискенбаев учурда уюмдун мүчөлөрү менен кошо Финполицияга барды. Жамгырчиев бул мекемеге 18-мартка да чакырылды.

Мискенбаев менен Жамгырчиев 25-26-28-январь күндөрү сөз болуп жаткан мекемеге кирип тогуз-он сааттан сурак берип чыгышкан. Алар анда көмүр чырына байланыштуу көрсөтмө беришкен.

Финполициянын басма сөз катчысы Анастасия Пискур Мискенбаев тууралуу кенен комментарий берген жок.

Мээрбек Мискенбаевге байланыштуу иш 2016-жылы башталган. «Айкөл Ала-Тоо» коомдук бирикмесинин өкүлү Марипа Алыйкулова «Мискенбаев бул уюмду жетектеп турган учурда апрель ыңкылабынын катышуучулары үчүн кайтарымсыз жардам катары берилген, баасы 2 миллион сомдук көмүрдү сатып жиберген» деп айыптаган. Отунду «Кыргызкөмүр» ишканасы бергени айтылган.

2018-жылы Алыйкулова Экономикалык кылмыштуулукка каршы күрөш боюнча мамлекеттик кызматка арыз жазып, аталган мекеме алдамчылык фактысы боюнча кылмыш ишин козгогон. «Азаттык» радиосундагы маегинде Мискенбаев өзүнө коюлган айыптарды четке каккан. (ErN)

Пикирлерди көрүңүз (18)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG