Премьер-министр Мухаммедкалый Абылгазиев 23-мартта Эр-Рияд (Сауд Арабиясы) шаарында өтө турган «Camel Fest» эл аралык этнофестивалынын жабылыш салтанатына катышат.
Сауд Арабиясындагы «Camel Fest» маданий иш-чарасы 9-мартта башталган. Анда Кыргызстандан барган топ «Көчмөндөр ааламы» деген аталышта улуттук өнөрдү тартуулашты.
98 өлкөнүн өкүлдөрү катышып жаткан этнофестивалга Кыргызстандан 2000ден ашык адам кеткен. Делегациянын курамында спортчулар, уз-усталар, зергерлер, кол өнөрчүлөр бар.
Андан тышкары кыргызстандыктар топоздор, алгыр куштар жана тайгандар менен да өнөр көрсөтүштү. Ал эми ат үстүндөгү оюндар үчүн аттарды арабдар беришти. Чыгымды уюштуруучулар өзүлөрү көтөргөн. (BT0)
