Кыргызстан мусулмандарынын Аалымдар кеңешинин чечими менен ыйык Рамазан айы 6-майда башталат деп белгиленди. 5-майда өлкө аймагындагы бардык мечиттерде таравих намазы окулуп, андан соң саат 3:54тө ооз бекилет. Бул тууралуу Кыргызстандын муфтияты маалымдады.
Исламдын беш шартынын бири — Рамазан айында орозо кармоо.
Орозо учурунда мусулмандар битир-садага берүүгө милдеттүү. Муфтияттын маалыматы боюнча быйыл берилүүчү садага-битир киши башына 1,6 кг буудай, ун, мейиз же 3,2 кг арпа, курма өлчөмүндө же булардын акчалай наркы берилет. Ал эми акчалай эсептегенде битир-садаганын быйылкы баасы киши башына 35 сомдон.
Муфтияттын билдирүүсүнө караганда битир-садага берүүчү адам жогоруда бул баалардын кайсынысын берсе өз ыктыяры. (ZKo)
