Линктер

ЧУКУЛ КАБАР!
5-декабрь, 2020 ишемби, Бишкек убактысы 06:16

Зайырбек Ажыматовдун ысымы анын айылындагы маданият үйүнө ыйгарылмай болду


Зайырбек Ажыматов.

Маркум Зайырбек Ажыматовдун ысымы ал туулуп-өскөн айылдын маданият үйүнө ыйгарылмай болду. Мындай чечим 19-майда Жалал-Абад облусунун Аксы районунун Ак-Жол айылдык кеңешинин сессиясында кабыл алынды.

Сессияга катышкан 19 депутат бул мекемеге Ажыматовдун ысымын ыйгаруу тууралуу Кыргызстандын Жазуучулар союзунун сунушун бир добуштан колдоду.

Аталган маданий жайга буга дейре эч кимдин ысымы берилген эмес болчу. Эми айыл депутаттарынын чечими Маданият, маалымат жана туризм министрлигине бекитүүгө жөнөтүлөт.

Кыргыз Республикасынын маданиятына эмгек сиңирген ишмер, акын жана журналист, «Азаттык» радиосунда маданий темаларды чагылдырып иштеп келген Зайырбек Ажыматов быйыл 29-апрелде 44 жаш курагында мезгилсиз дүйнөдөн кайтты.

Ал 1976-жылы 27-майда Ак-Жол айылында туулган.

Анын чыгармачылыгында ата мекенди сүйүү, мекенчилдик дух, жарандык бийик сезим, көтөрүңкү маанай өзгөчө орунду ээлейт.

Ажыматовдун адабий чыгармачыл ишмердүүлүгү жогору бааланып, ал Алыкул Осмонов атындагы адабий сыйлыктын лауреаты жана ТҮРКСОЙ эл аралык уюмунун Басма сөз сыйлыгынын лауреаты болгон. (RsK)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG