Линктер

ЧУКУЛ КАБАР!
25-сентябрь, 2020 жума, Бишкек убактысы 06:29

Элчилик: Олуттуу себеби жок жарандар Орусияга киргизилбейт


Орусиянын башкалаасы Москвадагы «Эл достугу» фонтаны. 1-июнь, 2020-жыл.

Кыргызстандын Орусиядагы элчилиги 11-августта Орусиянын аймагында чет элдиктердин өлкөгө киришине чектөөлөр алына элек экенин эскертти.

Мекеме олуттуу себептери болбогон жарандардын кайра Кыргызстандан Орусияга кириши мүмкүн эмес экенин билдирди.

Маалыматка караганда, учурда Орусия менен Кыргызстандын ортосунда жүргүнчүлөрдүн туруктуу аба каттамы калыбына келе элек. Орусия менен Казакстандын чек арасы да жабык.

Эпидемиологиялык кырдаалга байланыштуу элчилик Кыргызстанга барууга олуттуу себеби жок жарандарды да эч кайда чыкпай турууга чакырды.

COVID-19 пандемиясынан улам марттын аягынан тартып бир катар мамлекеттер аба каттамдарын токтотуп, чек араларын жапкан. Ушундан улам чет өлкөлөрдөгү миңдеген кыргызстандыктар бийликтен Кыргызстанга алып кетүүнү суранышкан. Алардын көбү Орусияда убактылуу жашап-иштеген мигранттар.

Расмий маалыматка ылайык, быйыл марттан 10-августка чейин Орусиянын 21 аймагынан 26 685 жаран мекенине кайтарылды.

Кыргызстанга келген мигранттардын арасында кайра Орусияга кетүүнүн жолун сурагандар бар. (NT)

Пикирлерди көрүңүз (8)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG