Линктер

ЧУКУЛ КАБАР!
5-декабрь, 2020 ишемби, Бишкек убактысы 11:33

Бишкекте коомдук жайда аялды сабады деген киши кармалды


Иллюстрациялык сүрөт.

Бишкектеги кафелердин биринде аялды сабаган жарандын аты-жөнү аныкталып, кармалды.

Бул тууралуу Бишкек шаардык ички иштер башкармалыгынын башчысынын милдетин аткаруучу Алмаз Орозалиев 12-сентябрда "Фейсбуктагы" баракчасына жазды.

Орозалиев окуянын чоо-жайына кеңири токтолгон жок. Кийинчерээк толук маалымат бериле турганын билдирди.

Бүгүн Интернеттеги социалдык тармактарда бети-башы көгала болуп, сабалган аялдын сүрөтү жарыяланган. Соцтармактардын колдонуучулары кызуу талкууга алган окуяда аялды күйөөсү ур-тепкиге алганы айтылып жатат.

Кыргызстандагы укук коргоочулар буга чейин пандемияда үй-бүлөлүк зомбулук күч алганын билдиришкен. ИИМдин маалыматына караганда, 2019-жылы өлкөдө үй-бүлөдөгү зомбулукка байланыштуу беш миңден ашуун факт катталган. 580 иш сотко чейинки териштирүүгө алынган.

Үй-бүлөдө аялдардын зомбулукка кабылышы- Кыргызстандагы талкууга түшкөн социалдык маселелердин бири. Быйыл июнда Сузакта күйөөсү аялын колун артка таңып, моюнуна дөңгөлөк асып, башынан ылдый чакалап суу куюп, жаакка чаап жатканы тартылган видео тарап, кызуу талкууланган. (NT)

Пикирлерди көрүңүз (8)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG